មីយ៉ាន់ម៉ា៖ តាមការចុះផ្សាយរបស់សារព៧ត៌មាន CGTN នៅថ្ងៃនេះបានឲ្យដឹងថា តួលេខជនរងគ្រោះបាត់បង់ជីវិត ដោយសារហេតុការណ៍បាក់ដីកន្លែងជីករ៉ែថ្លើមថ្ម នៅភាគខាងជើងប្រទេសមីយ៉ាន់ម៉ា កាលពីថ្ងៃទី២ កក្កដា ម្សិលមិញ បានកើនដល់១៦២នាក់។
តាមរបាយការណ៍របស់នាយកដ្ឋានពន្លត់អគ្គីភ័យមីយ៉ាន់ម៉ា បានឲ្យដឹងថា គ្រោះបាក់ដីដែលបង្កឡើងដោយភ្លៀងធ្លាក់ខ្លាំង បានកើតឡើងនៅការដ្ឋានជីករ៉ែថ្មមួយកន្លែង ស្ថិតនៅតំបន់ហាផាខាន់ រដ្ឋកាឈីន ភាគខាងជើងប្រទេស កាលពីវេលាម៉ោង៨៖០០នាទីព្រឹកនៅថ្ងៃព្រហស្បត្តិ៍សប្តាហ៍នេះ។
បើតាមអាជ្ញាធរមូលដ្ឋាន មានកម្មករជីករ៉ែរាប់រយនាក់ត្រូវបានគេសង្ស័យថា ត្រូវបានកប់នៅក្នុងដី ខណៈគ្រោះបាក់ដីមួយនេះ វាបានកើតឡើងក្នុងម៉ោងធ្វើការរបស់ពួកគេ។
សូមបញ្ជាក់ថា គ្រោះរអិលបាក់ដីនៅរដ្ឋកាឈីននេះ ធ្លាប់បានកើតម្តងដែរកាលពីឆ្នាំ២០១៥ ដែលពេលនោះបានធ្វើឲ្យមនុស្សចំនួន១១៦នាក់ស្លាប់៕
សូមទស្សនាវីដេអូ៖