គិតត្រឹមថ្ងៃទី២៨ ខែកុម្ភៈ ឆ្នាំ២០២០ នេះ ជំងឺរលាកសួតប្រភេទថ្មី ដែលមានឈ្មោះថា Covid-19 បានឆ្លងរាលដាលដល់ប្រទេសចំនួន៥៣ប្រទេសក្នុងតំបន់ និងប្រទេសជុំវិញ ដោយមនុស្សសរុបចំនួន ៨៣ ១០៥នាក់បានឆ្លង។
បើយោងតាមរបាយការណ៍ សម្រាប់ប្រទេសចិន COVID-19 បានឆ្លងលើមនុស្ស សរុប៧៨ ៨២៤នាក់, ស្លាប់២ ៧៨៨នាក់ និងចាកចេញពីមន្ទីរពេទ្យសរុប ៣៦ ១១៧នាក់ ។
បន្ទាប់ពីប្រទេសចិន ប្រទេសកូរ៉េខាងត្បូង គឺជាប្រទេសបន្ទាប់ដែលមានការឆ្លងធ្ងន់ធ្ងរជាងគេ ដោយពេលនេះមានអ្នកឆ្លងរហូតដល់ ១ ៧៦៦នាក់, ស្លាប់១៣នាក់ និងចាកចេញពីមន្ទីរពេទ្យ២៦នាក់។ ហើយបើគិតទូទាំងពិភពលោកអ្នកឆ្លងមេរោគ Covid-19 មាន ៨៣ ១០៥នាក់, បាត់បង់ជីវិត ២ ៨៥៨នាក់ និងចាកចេញពីមន្ទីរពេទ្យវិញ ៣៦ ៥១៤នាក់៕