អាជ្ញាធរជាតិអប្សរា បានឲ្យដឹងនៅក្នុងសេចក្តីជូនដំណឹងរបស់ខ្លួនថា ខឿនលើបង្អស់ផ្នែកខាងលិចរបស់ប្រាសាទប្រែរូប ដែលជាទីតាំងបណ្តុំភ្ញៀវទេសចរទស្សនាថ្ងៃលិច មានកម្រាលថ្មបានរំកិលចេញពីទីតាំងដើម ដែលអាចបង្កគ្រោះថ្នាក់ដល់ភ្ញៀវទេសចរជាយថាហេតុ, ដូច្នេះហើយ ដើម្បីសុវត្ថិភាពដល់ភ្ញៀវទេសចរ អាជ្ញាធរជាតិអប្សរា នឹងបិទការទស្សនាថ្ងៃលិចនៅប្រាសាទនេះជាបណ្តោះអាសន្ន គិតចាប់ពីថ្ងៃទី០១ ខែកញ្ញា ឆ្នាំ២០២០តទៅ រហូតដល់ចំណុចគ្រោះថ្នាក់ នៃប្រាសាទត្រូវបានជួសជុលរួចរាល់។
