លោក យិន ចិន យុវជនរស់នៅស្រុកតាលោសែនជ័យ នៃខេត្តពោធិ៍សាត់ បានបង្កើតស្នាដៃដ៏ទាក់ទាញមួយ ដោយលោកបានបង្កើតជាយន្តហោះធ្វើពីដែក និងសង្កសី ហើយបច្ចុប្បន្នកំពុងទទួលការចាប់អារម្មណ៍យ៉ាងខ្លាំងពីភ្ញៀវទេសចរនៅក្នុងតំបន់។
យន្តហោះកែច្នៃនេះ ត្រូវបានលោកដាក់ឲ្យភ្ញៀវទេសចរចូលមើលកម្សាន្តនៅក្នុងរីសតតាលោសែនជ័យ ដែលមានទីតាំងនៅភូមិបត់រំដួល ឃុំផ្ទះរុង ស្រុកតាលោសែនជ័យ ខេត្តពោធិ៍សាត់។
សូមបញ្ជាក់ថា យុវជន យិន ចិន ជានិស្សិត រៀនផ្នែកអេឡិចត្រូនិក នៅវិទ្យាស្ថានពហុបច្ចេកទេសខេត្តពោធិ៍សាត់ ក្នុងវិស័យ (TVET) ហើយសម្រាប់អនាគតដ៏ខ្លីខាងមុខនេះលោកនឹងបង្កើតយន្តហោះប្រដេញធុនម៉ិច (Mic) មួយទៀតជូនភ្ញៀវចូលទស្សនាកម្សាន្ត ៕