អន្តរជាតិ ៖ ប៉ូលិសហុងកុង បានរងការចោទប្រកាន់ថា បានវាយស្រ្តីដែលមានផ្ទៃពោះ៧-៨ខែម្នាក់ឲ្យដួលដេកនៅលើដី ។ នេះបើយោងតាមការផ្សាយរបស់ hongkon free press កាលពី ថ្ងៃទី០១ កញ្ញា ឆ្នាំ ២០២០ ។
ប្រភពដដែលបាននិយាយថា ស្រ្តីរូបនោះជាមនុស្សម្នាក់ក្នុងចំណោមមនុស្សរាប់ពាន់នាក់ដែលបានប្រមូលផ្ដុំគ្នានៅក្នុងផ្សារទំនើបមួយកាលពីថ្ងៃច័ន្ទ ដើម្បីប្រារព្ធខួបមួយឆ្នាំ នៃការទាមទារឯករាជ្យភាពរបស់ហុងកុង ។ នាងត្រូវបានគេរុញផ្អឹបទៅនឹងដី អំឡុងការវាយប្រតប់គ្នារវាងប៉ូលិស និងហ្វូងបាតុករ ។ ប៉ុន្តែយ៉ាងណាក៍ដោយស្រ្តីមានផ្ទៃពោះរូបនោះត្រូវបានគេបញ្ជូនទៅសង្រ្គោះភ្លាមៗ ខណៈដែលក្រុមអ្នកតវ៉ានៅតែបន្តស្រែកយ៉ាងរន្ថាន់ថា « ឯករាជ្យភាពហុងកុងជាមធ្យោបាយតែមួយគត់ »និង« រំដោះហុងកុងដែលជាបដិវត្ត នៃសម័យកាលរបស់យើង » ៕