ភ្នំពេញ៖សមត្ថកិច្ចបានឲ្យដឹងថាគេបានស្គាល់នារីរងគ្រោះដែលត្រូវគូស្នេហ៍ចាក់សម្លាប់ កាលពីវេលាម៉ោង៥ល្ងាច ថ្ងៃទី០៣ ខែកញ្ញា ឆ្នាំ២០២០ នៅបុរីលឹមឈាងហាក់ ស្ថិតក្នុងភូមិម័រ សង្កាត់ដង្កោ ខណ្ឌដង្កោ រាជធានីភ្នំពេញ នោះហើយ ។
នាងមានឈ្មោះ វង្ស ម៉ាលីនដា អាយុ២៧ឆ្នាំ មានស្រុកកំណើតនៅអ្នកលឿង ខេត្តព្រៃវែង និងមានមុខរបរជា អ្នកលក់ឡេតាមអនឡាញ ។ ចំណែកបុរសជាជនសង្ស័យមានឈ្មោះ ឯក ឌៀវ វន្ថា អាយុ៤៧ឆ្នាំ ស្នាក់នៅភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
សមត្ថកិច្ចថា ជនសង្ស័យបានចាក់ និងអារ.ក នារីជាគូស្នេហ៍របស់ខ្លួនរួចអារ.ក ខ្លួនឯងតែមិនស្លាប់ក្រោយណាត់គ្នាមកស៊ីផឹក ។ ប្រភពថា ឃាតកម្មនេះ បណ្ដាលមកពីភ្លើងប្រច័ណ្ឌ ៕
