(ព្រះសីហនុ)៖ បើតាមលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុបានឲ្យដឹងថា ដោយមានកិច្ចសហការល្អពីប្រជាពលរដ្ឋ កាលពីវេលាម៉ោងជិត៣ទៀបភ្លឺ ថ្ងៃទី០៥ ខែតុលា ឆ្នាំ២០២០ នគរបាលបានទៅយកកាំភ្លើងម៉ាក AK ចំនួន២ដើម ដែលមានបង់កាំភ្លើងចំនួន០២ និងគ្រាប់កាំភ្លើងAKចំនួន ១១គ្រាប់ផងដែរ ដែលត្រូវគេយកទៅផ្លុងចោលនៅតាមផ្លូវឡើងលើភ្នំ ស្ថិតក្នុងភូមិ៣ សង្កាត់លេខ៣ ក្រុងព្រះសីហនុ។
បច្ចុប្បន្ន កាំភ្លើងត្រូវបានយកទៅរក្សាទុកនៅការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តព្រះសីហនុ និងបន្តការស្រាវជ្រាវតាមនិតិវិធី៕
ដោយ៖ នាគសមុទ្រ