លោក សុខ ពេញវុធ អភិបាលខណ្ឌដូនពេញ ដឹកនាំកម្លាំងធ្វើការបោសសំអាតសំរាម និងបាញ់ទឹកលាងផ្លូវ

(ភ្នំពេញ)៖ នៅថ្ងៃទី៨ ខែតុលា ឆ្នាំ២០២០ គិតមកដល់ម៉ោង ៩យប់ លោក សុខ ពេញវុធ អភិបាលខណ្ឌដូនពេញ បានបន្តដឹកនាំកម្លាំងធ្វើការប្រមូល បោសសំអាត បាញ់លាងតាមដេប៉ូសំរាម និងដឹកជញ្ជូនសំរាមសំណល់រឹង។

ការបោស​សំអាត ប្រមូលសំរាម​ក្នុង​មូលដ្ឋាននេះ អាជ្ញាធរ​ខណ្ឌដូនពេញ បានប្រើប្រាស់រថយន្តសរុបចំនួន ១៨គ្រឿង (ឡានដឹកសំរាមរបស់សាលារាជធានី ០៨គ្រឿង ឡានបែនចំនួន ១០គ្រឿង), គ្រឿងចក្រសម្រាប់កើបសំរាមចំនួន ០៣គ្រឿង(សារហ្ស័រ) ម៉ូតូកង់បីដឹកជញ្ជូនសំរាមរបស់រដ្ឋបាលខណ្ឌ និងសង្កាត់ទាំង១១ សរុបចំនួន ១៥គ្រឿង ដោយ​ក្នុងនោះ​បានធ្វើការប្រមូល និងដឹកជញ្ជូនសំរាមទៅទីលានសរុបបានចំនួន ២៩ជើង (ឡានសំរាមសាលារាជធានីបានចំនួន ២១ជើង ឡានបែនបានចំនួន ០៨ជើង)៕