(ភ្នំពេញ)៖ តាមសេចក្តីប្រកាសព័ត៌មានរបស់ក្រសួងសុខាភិបាលកម្ពុជានៅព្រឹកថ្ងៃអាទិត្យនេះបានឲ្យដឹងថា បុរសជនជាតិហុងគ្រី អាយុ៧០ឆ្នាំ ស្នាក់នៅសង្កាត់ស្វាយដង្គុំ ក្រុងសៀមរាប បានជាសះស្បើយពីជំងឺកូវីដ១៩ហើយ និងត្រូវបានអនុញ្ញាតឲ្យចេញពីមន្ទីរពេទ្យ។
យ៉ាងណាក៏ដោយ នៅថ្ងៃនេះ ក្រសួងបានបញ្ជាក់ថា ពុំមានករណីឆ្លងថ្មីទេ ដូចនេះ កម្ពុជានៅសល់អ្នកជំងឺកូវីដ១៩ដែលកំពុងសម្រាកព្យាបាលនៅមន្ទីរពេទ្យចំនួន ៥នាក់ទៀត៕