(ថៃ)៖ លោក ប្រាយុទ្ធ ចាន់អូចារ នាយករដ្ឋមន្ត្រីថៃ នៅថ្ងៃនេះបានប្រកាសដាក់ទីក្រុងបាងកក ក្នុងគ្រាអាសន្ន ដែលជាវិធានការមួយក្នុងការតទល់ជាមួយពួកបាតុករ ដែលធ្វើការតវ៉ាឲ្យលោកលាលែងពីតំណែងកាន់តែមានទ្រង់ទ្រាយធំឡើង។
មន្ត្រីប៉ូលីសបានថ្លែងថា មានមនុស្សមួយក្រុមបានធ្វើការញុះញង់ ដើម្បីឲ្យមានជួបជុំគ្នាដោយខុសច្បាប់ក្នុងទីក្រុងបាងកក ដូច្នេះហើយអាជ្ញាធរចាំបាច់ប្រកាន់យកវិធានការបន្ទាន់ដើម្បីបញ្ចប់ស្ថានការបែបនេះ។
នៅតាមដងផ្លូវនានាក្នុងទីក្រុងបាងកក ពួកបាតុកបានធ្វើការអំពាវនាវឲ្យបន្ថយអំណាចព្រះមហាក្សត្រ និងទាមទារឲ្យលោក ប្រាយុទ្ធ លាលែងចេញពីតំណែង។ ពួកគេបានបោះជំរុំនៅក្បែរការិយាល័យរបស់លោកនាយករដ្ឋមន្ត្រី និងបានដើរដង្ហែរក្បួនដោយមានកាន់រូបរបស់ព្រះមហាក្សត្រថៃវិជ្ជរ៉ា ឡុងកនផងដែរ កាលពីថ្ងៃពុធម្សិលមិញ៕