(ព្រះវិហារ) ៖ តាមមន្រ្តីបរិស្ថានបានឲ្យដឹងថា កាលពីថ្ងៃទី១៨ ខែតុលា ម្សិលមិញ មានរថយន្តស៊ីណា២គ្រឿង បានដឹកឈើប្រណិតចេញពីស្រុកសង្គមថ្មី ឆ្ពោះទៅខេត្តកំពង់ធំតាមបណ្តោយផ្លូវ លេខ ៦២ ប៉ុន្តែមកដល់ចំណុចចំការកៅស៊ូ ស្ថិតនៅភូមិ អូពោធិ ឃុំរមណីយ៍ ស្រុករវៀង ខេត្តព្រះវិហារ ដោយមានការប្រដេញពីក្រោយរបស់មន្រ្តីបរិស្ថានបឹងពែរ ក៏ចាប់បានរថយន្ត១គ្រឿងក្រោយបែកកង់ទៅមុខលែងរួច ចំណែករថយន្ត១គ្រឿងទៀតបានរត់រួច។
ចំពោះករណីនេះ លោក មាស ញឹម នាយកដែនជំរកសត្វព្រៃបឹងពែរ បានឲ្យដឹងថា រថយន្តដែលដឹកឈើនោះ ពាក់ស្លាកលេខ ២A.៦១៥៤.ខាងក្នុងរថយន្តមានឈើឈ្លីកចំនួន ១៦៥០ ម៉ែត្រគូប ចំណែកអ្នកបើកបរ រត់គេចខ្លួន ដោយសុវត្ថិភាព។
បច្ចុប្បន្នរថយន្តដឹកឈើនោះ ត្រូវបានយកទៅរក្សាទុកនៅទីស្នាក់ការកណ្តាល៕
