ក្រសួងធនធានទឹក និងឧតុនិយម បានជូនដំណឹងនៅថ្ងៃនេះថា ប្រទេសកម្ពុជាយើងកំពុងតែបន្តទទួលនូវខ្យល់មូសុងនិរតីដែលមានកម្រិតមធ្យម ហើយប្រព័ន្ធសម្ពាធទាបនៅបន្តអូសបន្លាយកាត់ពីលើ ខណៈដែលនៅក្នុងមហាសមុទ្រស្ថិតនៅខាងកើតប្រទេសហ្វីលីពីន នឹងអាចមានការក៏កើតឡើងនូវព្យុះទី១៧ ឈ្មោះ សូដែល ដែលតាមការព្យាករ ព្យុះនេះនឹងធ្វើដំណើរចូលភាគខាងជើងប្រទេសវៀតណាមនៅក្នុងអំឡុងថ្ងៃទី២៥-២៦ ខែតុលា។
ស្ថានភាពបែបនេះ នឹងធ្វើឲ្យខេត្តតំបន់វាលទំនាបកណ្តាលមានភ្លៀងធ្លាក់រាយប៉ាយពីតិច ទៅមធ្យម, បណ្តាខេត្តជាប់ជួរភ្នំដងរែក និងខ្ពង់រាបឦសាន នឹងអាចមានភ្លៀងធ្លាក់រាយប៉ាយពីតិចទៅមធ្យម ហើយតំបន់មាត់សមុទ្រអាចនឹងមានភ្លៀងធ្លាក់ពីតិចទៅបង្គួរ។
ជាមួយគ្នានេះ ក្រសួងបានប្រាប់ដល់បងប្អូនប្រជាពលរដ្ឋទាំងអស់ សូមបន្តការប្រុងប្រយ័ត្នចំពោះបាតុភូតផ្គរ រន្ទះ ខ្យល់កន្រ្តាក់ ដោយក្នុងនោះនៅថ្ងៃទី២៤ ដល់ថ្ងៃទី២៨ ខែតុលា អាចមានខ្យល់បក់បោកខ្លាំង និងរលកសមុទ្រខ្ពស់៕