កណ្ដាល៖ ក្មេងស្រីម្នាក់បានសម្រេចចង.កសម្លាប់ខ្លួនបន្ទាប់ពីបងស្ដីបន្ទោសរឿងមិនប្រឹងប្រែងរៀនសូត្រ ។ ហេតុការណ៍នេះបានកើតឡើងកាលពីវេលាម៉ោងប្រមាណជាង៩យប់ថ្ងៃទី២៦តុលា នៅក្នុងភូមិឈើទាល២ ឃុំឈើទាល ស្រុកកៀនស្វាយ ខេត្តកណ្តាល។
ក្មេងស្រីរងគ្រោះឈ្មោះ ប៉ូច វិជ្ជនី អាយុ ១៤ឆ្នាំ ជនជាតិខ្មែរ មុខរបរ សិស្ស មានទីលំនៅ ភូមិឃុំកើតឃុំកើតហេតុខាងលើ ។ ម្ដាយក្មេងរងគ្រោះគឺអ្នកស្រី សួន ណារី បាននិយាយថា ជនរងគ្រោះបានចង.កធ្វើអត្ថឃាតដោយសារតែខឹងបងស្រី ដែលជាអ្នកបង្រៀនគេរាល់ថ្ងៃបន្ទោសថា « បើសិនរៀនមិនចេះអញ្ចឹង អនាគតគិតយ៉ាងម៉េច..? » ៕
