ឧត្តរមានជ័យ: សមត្ថកិច្ចបាននិយាយថា គេបានចាប់បុរសម្នាក់បន្ទាប់ពីវាយក្បាលឪពុករបស់ខ្លួននឹងឈើជ្រុងឲ្យរបួសធ្ងន់។ ហេតុការណ៍នេះបានកើតឡើងកាលពីថ្ងៃទី ២៦ តុលា ឆ្នាំ២០២០ នៅភូមិគោកកី ឃុំបេង ស្រុកបន្ទាយអំពិល ខេត្តឧត្តរមានជ័យ ។
ជនដៃដល់ឈ្មោះ ធៀន ផល អាយុ៣៣ឆ្នាំ ចំណែកជនរងគ្រោះ ជាឪពុកបង្កើតឈ្មោះ ដុក ធៀន អាយុ៦៨ឆ្នាំ រស់នៅភូមិគោកកី ឃុំបេង ស្រុកបន្ទាយអំពិល ខេត្តឧត្តរមានជ័យ។
មូលហេតុដែលនាំកើតអំពើហិង្សានេះ គឺជនសង្ស័យខឹងឪពុកមិនធ្វើម្ហូបឲ្យហូប ទើបយកដំបងឈើជ្រុង វាយបណ្ដាលឲ្យរងរបួសបែកចញ្ចើម៣កន្លែងតែម្ដង៕
