ភ្នំពេញ÷អង្គរក្សជនជាតិខ្មែរម្នាក់ដែលបានការពារគណៈប្រតិភូរដ្ឋមន្ត្រីការពារទេស និងពាណិជ្ជកម្មហុងគ្រី បានឆ្លង COVID-19 ។ នេះបើតាមសារសំឡេងរបស់សម្តេចនាយករដ្ឋមន្ត្រី ហ៊ុន សែន នាល្ងាចថ្ងៃទី៧ ខែវិច្ឆិកា នេះ។
តាមរយៈសារសំឡេងនោះ ប្រមុខរាជរដ្ឋាភិបាលបានអំពាវនាវដល់អ្នកដែលទាក់ទងផ្ទាល់ជាមួយរដ្ឋមន្ត្រីការបរទេសហុងគ្រី លោក Peter Szijjarto បន្តយកចិត្តទុកដាក់ការធ្វើចត្តាឡីស័ក និងការប៉ះពាល់លើអ្នកដទៃ ។
ជាមួយគ្នាសម្តេចក៍បានបញ្ជាទៅសាលារាជធានីភ្នំពេញ និងក្រសួងសុខាភិបាល ឱ្យស្វែងរកសណ្ឋាគារសម្រាប់អ្នកដែលមិនមានលទ្ធភាពធ្វើចត្តាឡីស័កតាមផ្ទះផងដែរ ៕