ក្នុងសេចក្តីជូនព័ត៌មាននៅព្រឹកថ្ងៃទី១១ ខែវិច្ឆិកានេះ ក្រសួងសុខាភិបាលកម្ពុជាបានប្រកាសថា គេបានរកឃើញវិជ្ជមានវីរុសកូវីដ១៩ថ្មីមួយករណីទៀត ទៅលើស្រ្តីជនជាតិអាមេរិក។
ស្រ្តីជនជាតិអាមេរិករូបនោះ អាយុ៣៥ឆ្នាំ ស្នាក់នៅសណ្ឋាគារមួយក្នុងរាជធានីភ្នំពេញ បានធ្វើដំណើរមកពីសហរដ្ឋអាមេរិក បន្តជើងហោះហើរនៅប្រទេសកូរ៉េខាងត្បូង ដោយមកដល់កម្ពុជានៅថ្ងៃទី៤ ខែវិច្ឆិកា ឆ្នាំ២០២០ ហើយការរកឃើញនេះ គឺក្រោយទទួលបានលទ្ធផលតេស្តលើកទី២ នៅថ្ងៃទី៧នៃការធ្វើចត្តាឡីស័ករបស់ស្រ្តីជនជាតិអាមេរិករូបនោះ។
បច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត៕
