លោក ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជា បានធ្វើការបញ្ជាក់កាលពីយប់មិញនេះថា គ្មានការបិទទីក្រុងភ្នំពេញ នោះទេ ហើយថា សារសំឡេងដែលត្រូវផ្សព្វផ្សាយនៅលើបណ្តាញសង្គមពីការបិទទីក្រុងនោះ គឺជាការផ្សព្វផ្សាយបំភ័ន្ត ធ្វើឲ្យមានភាពជ្រួលច្របល់។
លោក ផៃ ស៊ីផាន អ្នកនាំពាក្យរាជរដ្ឋាភិបាល
ការថ្លែងបញ្ជាក់របស់អ្នកនាំពាក្យរាជរដ្ឋាភិបាលនេះ គឺក្រោយពីមានការចែកចាយនូវសារជាសំឡេងដែលថា “លិខិតចេញពីគណៈរដ្ឋមន្រ្តីចូលទៅរាជវាំងសុំហត្ថលេខាពីសម្តេចសីហមុនី ដើម្បីបិទក្រុង…” ។
យ៉ាងណាក៏ដោយ លោក ផៃ ស៊ីផាន បានស្នើដល់បងប្អូនប្រជាពលរដ្ឋទាំងអស់ មេត្តារក្សាភាពស្ងប់ស្ងៀម កុំចាញ់បោកការឃោសនាអកុសលនេះ ហើយថា សមត្ថកិច្ចប្រឆាំងនឹងព័ត៌មានក្លែងក្លាយ នឹងចាត់វិធានការផ្លូវច្បាប់ ដើម្បីរក្សាសណ្តាប់ធ្នាប់ និងសន្តិសុខជាតិ៕
