ខណ្ឌដូនពេញបែងចែកម៉ាស់ដល់សង្កាត់ទាំង១១ ដើម្បីចែកជូនពលរដ្ឋក្នុងមូលដ្ឋាន និង​អាជីវករ

(ភ្នំពេញ)៖ បន្ទាប់ពីទទួលបានម៉ាស់ពីរាជរដ្ឋាភិបាលកម្ពុជា តាមរយៈ ឯកឧត្តម ឃួង ស្រេង អភិបាល រាជធានីភ្នំពេញ នៅព្រឹកថ្ងៃព្រហស្បតិ៍នេះ លោក សុខ ពេញវុធ អភិបាលខណ្ឌដូនពេញ បានធ្វើការបែកដល់សង្កាត់ទាំង១១ និង ទីរួមផ្សារទាំង៣ ដើម្បីចែកជូនដល់បងប្អូនប្រជាពលរដ្ឋដែលមានជីវភាពក្រីក្រគ្មានលទ្ធភាព នៅក្នុងមូលដ្ឋានខណ្ឌ រួមទាំងអាជីវករផ្សារ ដើម្បីចូលរួមទប់ស្កាត់ និងបង្ការការរីករាលដាលនៃជំងឺកូវីដ១៩។

ក្នុងនោះដែរ លោកអភិបាលខណ្ឌដូនពេញ ក៏បានអញ្ជើញចុះចែកម៉ាស់ ដល់អាជីវករផ្សារ និង រួមទាំងភ្ញៀវ ក្នុងរដ្ឋាករស្វយ័តផ្សារធំថ្មី ផងដែរ។