វិទ្យុបារាំងអន្តរជាតិ RFI បានប្រកាសនៅលើទំព័រហ្វេសប៊ុករបស់ខ្លួននៅថ្ងៃនេះថា វិទ្យុរបស់ខ្លួនត្រូវអាក់ខានការផ្សាយ ដោយសារតែការិយាល័យរបស់វិទ្យុស្ថិតនៅក្នុងអគារកាណាឌីយ៉ា ដែលត្រូវអាជ្ញាធរប្រកាសបិទជាបណ្តោះអាសន្នបន្ទាប់ពីរកឃើញករណីវិជ្ជមានវីរុសកូវីដ១៩ លើបុរសម្នាក់ដែលធ្វើការនៅធនាគារចិន នៃអគារកាណាឌីយ៉ានេះ។
សូមបញ្ជាក់ថា នៅព្រឹកថ្ងៃទី៣ ខែធ្នូនេះ ក្រសួងសុខាភិបាលបានសម្រេចឲ្យបិទអគារកាណាឌីយ៉ា ដែលមានទីតាំងជិតផ្លូវភ្លោះវត្តភ្នំ នៅក្នុងសង្កាត់ស្រះចក ខណ្ឌដូនពេញ នុលីបន្ទាប់ពីរកឃើញបុរសម្នាក់ជនជាតិខ្មែរ ជាបុគ្គលិកធនាគារចិនមានផ្ទុកមេរោគកូវីដ១៩៕