ឃាត់ខ្លួនស្ត្រីជនជាតិថៃម្នាក់ នៅច្រកអន្តរជាតិដូងដកហូតបានគ្រឿងញៀនប្រមាណ ៣០គ.ក

បាត់ដំបង៖ សមត្ថកិច្ចឲ្យដឹងថា គេបានឃាត់ខ្លួនស្ដ្រីជនជាតិថៃម្នាក់ នាថ្ងៃទី ៥ធ្នូ នេះ នៅចំណុចច្រកអន្តរជាតិដូង ក្នុងភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង ដោយដកហូតបានគ្រឿងញៀនប្រមាណ ៣០ គីឡូក្រាម។

ជនសង្ស័យមានឈ្មោះ ផាន់ផុំ រតនា (PHAN PHOM RATTANA) ភេទស្រី អាយុ៣១ឆ្នាំ ជនជាតិថៃ។ កាន់លិខិត ឆ្លងដែនលេខAB ៤២ ៧៤៣៧៣ ។ វត្ថុតាងដែលដកហូតបានគឺជាសារធាតុញៀន ប្រភេទម៉េតំហ្វេតាមីន ICE ៣០កញ្ចប់ធំ ទម្ងន់ប្រមាណ៣០គីឡូក្រាម។

បច្ចុប្បន្នសមត្ថកិច្ចកំពុងតែរៀបចំសំណុំលិខិតដើម្បីបន្តចាត់ការតាមនីតិវិធី ៕