ព្រះសីហនុ – ឯកឧត្តម ថន វីរ: ដែលទើបត្រូវបានព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់តែងតាំងជាទីប្រឹក្សាសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ បានបរិច្ចាគថវិកាផ្ទាល់ចំនួន ១ម៉ឺនដុល្លារអាមេរិក ជូនសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ដើម្បីទិញវ៉ាក់សាំងកូវីដ១៩។
ឯកឧត្តម ថន វីរ: និងភរិយា ពេលចុះពិនិត្យមើលសមិទ្ធផលនានា
ការប្រកាសបរិច្ចាគនេះ គឺបន្ទាប់ពីសម្តេចតេជោ ហ៊ុន សែន កាលពីល្ងាចថ្ងៃទី០៧ ខែធ្នូ ឆ្នាំ២០២០ បានប្រកាសពីការត្រៀមបម្រុងថវិកាសម្រាប់ទិញវ៉ាក់សាំងយកមកចាក់ជូនប្រជាជនដោយឥតគិតថ្លៃជាជំហានដំបូងចំនួន ១លានដូស។
កាយវិការ នៃការបរិច្ចាគថវិការបស់ ឯកឧត្តម ថន វីរៈ នេះ បាននាំឲ្យមានការស្ញប់ស្ញែង និងកោតសរសើរជាខ្លាំងពីមហាជន ខណៈដែលកន្លងមកឯកឧត្តមជាបុគ្គលមួយរូប ដែលតែងតែចូលរួមដោះស្រាយការលំបាកជាមួយរាជរដ្ឋាភិបាល រាល់ពេលរាជរដ្ឋាភិបាលមានការលំបាក ដូចជាបរិច្ចាកទាន ក្នុងការកសាងហេដ្ឋារចនាសម្ព័ន្ឋ រួមជាមួយសមទ្ឋិផលនានា ទាំងក្នុងអណាចក្រ និងពុទ្ធច្ចៈ រួមមាន វត្តអារាម សាលារៀន ផ្លូវថ្នល់ ។ល។
–
ដោយកាយវិការបែបនេះហើយ ទើបកន្លងមកឯកឧត្តមទទួលបាននូវការជឿទុកទុក្ខចិត្តអំពីថ្នាក់ដឹកនាំជាច្រើន រហូតទទួលបាននូវគ្រឿងឥស្សរិយយស របស់រាជរដ្ឋាភិបាលជាច្រើន ហើយថ្មីៗនេះ ឯកឧត្តមក៏ត្រូវបានព្រះមហាក្សត្រនៃព្រះរាជាណាចក្រកម្ពុជា តែងតាំងជាទីប្រឹក្សាសម្តេចក្រឡាហោម សរ ខេង ឧបនាយករដ្ឋ និង រដ្ឋមន្ត្រីក្រសួងមហាផ្ទៃ មានឋានៈស្មើអនុរដ្ឋលេខាធិការ៕
