(ប៉ារីស) – ការិយាល័យរបស់ប្រធានាធិបតីបារាំងបានប្រកាសនៅថ្ងៃព្រហស្បតិ៍នេះថា លោកប្រធានាធិបតី អេម៉ានុយអែល ម៉ាក្រុងបានធ្វើតេស្តវិជ្ជមានវីរុស Covid-19 បន្ទាប់ពីលោកមានរោគសញ្ញា។
ប្រធានាធិបតីបារាំងលោក Emmanuel Macron បានធ្វើតេស្តវិជ្ជមានសម្រាប់ Covid-19។
សេចក្តីថ្លែងការណ៍ពីវិមានអ៊ីលីសបានសរសេរថា “ប្រធានាធិបតីនៃសាធារណរដ្ឋបារាំងត្រូវបានគេធ្វើរោគវិនិច្ឆ័យឃើញវិជ្ជមានសម្រាប់ Covid-19 ថ្ងៃនេះ” ។ “ប្រធានាធិបតីត្រូវបានគេធ្វើរោគវិនិច្ឆ័យបន្ទាប់ពីគាត់ត្រូវបានធ្វើតេស្ត នៅពេលចាប់ផ្តើមរោគសញ្ញាដំបូង” ។
យោងតាមបទប្បញ្ញត្តិសុខភាព ប្រធានាធិបតីបារាំងនឹងត្រូវដាក់ឲ្យដាច់ឆ្ងាយពីគេរយៈពេល ៧ ថ្ងៃ។ ហើយគាត់នឹងបន្តធ្វើការ និងអនុវត្តសកម្មភាពរបស់គាត់ពីចម្ងាយ។
ការិយាល័យរបស់លោកប្រធានាធិបតីបារាំងក៏បាននិយាយដែរថា នាយករដ្ឋមន្រ្តីបារាំង លោក Jean Castex ក៏នឹងផ្តាច់ខ្លួនដោយខ្លួនឯងដែរ។
កាលពីថ្ងៃពុធលោកប្រធានាធិបតីបារាំង ក៏បានជួបជាមួយនាយករដ្ឋមន្រ្តីព័រទុយហ្កាល់ លោក António Costa សម្រាប់អាហារថ្ងៃត្រង់ ហើយក៏បានចូលរួមក្នុងកិច្ចប្រជុំគណៈរដ្ឋមន្រ្តីផងដែរ៕
ប្រភព៖ CNN
