ដោយសារការកើនឡើង នៃអ្នកស្នើសុំពិនិត្យធ្វើតេស្តករណីវីរុសកូវីដ១៩ ក្រសួងសុខាភិបាលបានពិភាក្សាជាមួយនឹងអាជ្ញាធររាជធានីភ្នំពេញ ដោយធ្វើការពង្រីកបន្ថែមអគារថែទាំងព្យាបាលដែលមានចំណុះ ១០០គ្រែបន្ថែមទៀត នៅអតីតមណ្ឌលសុខភាពចាក់អង្រែ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
ជាមួយគ្នានេះ ក្រសួងក៏អំពាវនាវដល់ក្រុមគ្រូពេទ្យស្ម័គ្រចិត្តសម្តេចតេជោឲ្យចូលរួមក្នុងភារកិច្ចដ៏ឧត្តុងឧត្តមដើម្បីប្រយុទ្ធនឹងវីរុសកូវីដ១៩នេះផងដែរ។
គួរបញ្ជាក់ដែរថា កន្លងមកក្រសួងសុខាភិបាលក៏បានរៀបចំទីន្លែងថែទាំ និងព្យាបាលអ្នកជំងឺកូវីដ១៩នេះ ដោយនៅមន្ទីរពេទ្យមិត្តភាពខ្មែរ-សូវៀត មន្ទីរពេទ្យកុមារជាតិ មន្ទីរពេទ្យគន្ធបុប្ឆាភ្នំពេញ មន្ទីរពេទ្យជ័យវរ្ម័នទី៧សៀមរាប និងនៅមន្ទីរពេទ្យខេត្តទាំង២៤ផងដែរ៕