តាមការប្រកាសរបស់ស្ថានទូតចិនប្រចាំនៅកម្ពុជាឲ្យដឹងថា តាមការប៉ាន់ស្មាន នារាត្រីថ្ងៃទី១៧ ខែមីនា នេះ សារធាតុ Detection Reagent ជំងឺ Covid-19 សម្រាប់ ២០០០នាក់ ដែលជាជំនួយរបស់ភាគីចិនជូនចំពោះភាគីកម្ពុជា នឹងមកដល់រាជធានីភ្នំពេញតាមជើងហោះហើរ។
តាមការបញ្ជាក់របស់ស្ថានទូតចិនថា ប្រទេសចិននឹងបន្តផ្តល់ជំនួយជាសម្លៀកបំពាក់ការពារ ម៉ាស់វេជ្ជសាស្រ្ត និងសម្ភារៈផ្សេងទៀតជាបន្តបន្ទាប់ និងព្រមទាំងខិតខំផ្តល់ជាកម្លាំងជំរុញគាំទ្រក្នុងកិច្ចទប់ស្កាត់នឹងជំងឺវីរុសជូនចំពោះភាគីកម្ពុជាទៀតផង៕