ស្ថានទូតអូស្រ្តាលីប្រចាំកម្ពុជាបានឲ្យដឹងថា ប្រសិនបើអ្នកកំពុងវិលត្រឡប់ទៅប្រទេសអូស្ត្រាលីវិញ ចំណីអាហារ រុក្ខជាតិ ឬផលិតផលសត្វ មួយចំនួន នឹងមិនត្រូវបានអនុញ្ញាតិឲ្យយកចូលទេ ហើយផលិតផលផ្សេងទៀត អាចត្រូវបានអនុញ្ញាតិឲ្យយកចូល ប្រសិនបើវាត្រូវតាមលក្ខខណ្ឌជាក់លាក់នៃការនាំចូលជីវសុវត្ថិភាព (biosecurity)។
អ្នកមិនអាចយកមកជាមួយនូវម្ហូបអាហារ ទុកសម្រាប់ពេលដែលអ្នកត្រូវធ្វើចត្តាឡីស័កទេ។
ឧបករណ៍កខ្វក់ឬសើម រួមទាំង ស្បែកជើងកវែង និងឧបករណ៍កីឡា ត្រូវតែសម្អាតនិងធ្វើការប្រកាស។
អ្នកត្រូវតែធ្វើការប្រកាស ប្រសិនបើអ្នកយកមកជាមួយនូវសម្ភារៈ ដែលមានហានិភ័យដល់ជីវសុវត្ថិភាព។
ប្រសិនបើអ្នកខកខាន មិនបានប្រកាស ឬផ្តល់សេចក្តីប្រកាសមិនពិត អ្នកអាចនឹងត្រូវបានផាកពិន័យ។
ការផាកពិន័យអាចរួមមាន ការផ្តល់សេចក្តីជូនដំណឹងអំពីការរំលោភបំពាន រហូតដល់ទៅ ២ ៦៦៤ ដុល្លារអូស្ត្រាលី។
មុនពេលវេចខ្ចប់ សូមពិនិត្យអំពីតម្រូវការជីវសុវត្ថិភាពរបស់អូស្រ្តាលី នៅលើគេហទំព័ររបស់ក្រសួងកសិកម្ម ទឹក និងបរិស្ថាន តាម https://www.agriculture.gov.au/travelling ៕
_
_
_
