ជាវិធានការបន្ទាន់ និងយោងតាមអនុសាសន៍របស់សម្តេចតេជោ ហ៊ុន សែន នាយករដ្ឋមន្រ្តី ក្រសួងសុខាភិបាលកម្ពុជានៅរសៀលថ្ងៃនេះ បានជំរាបជូនទៅដល់អភិបាលរាជធានីខេត្តទាំងអស់ទូទាំងប្រទេស ឲ្យបិទខារ៉ាអូខេ (KTV) និងរោងភាពយន្តទាំងអស់នៅទូទាំងប្រទេស ចាប់ពីថ្ងៃទី១៧ ខែមីនា ឆ្នាំ២០២០នេះ ក្នុងស្ថានភាពជំងឺកូវីដ១៩ កំពុងរីករាលដាលជាសកល។
តាមការបញ្ជាក់របស់ក្រសួងសុខាភិបាល ការអនុញ្ញាតឲ្យបើកឡើងវិញ គឺរហូតដល់ពេលជំងឺកូវីដ១៩ បានធូរស្រាល៕
