ក្រសួងសុខាភិបាលកម្ពុជាបានប្រកាសថា នៅថ្ងៃទី១៧ ខែមីនា ឆ្នាំ២០២០នេះ វិទ្យាស្ថានប៉ាស្ទ័រកម្ពុជាបានបង្ហាញ វិជ្ជមានវីរុសកូវីដ១៩ ចំនួន ៩នាក់ ជាករណីថ្មីបន្ថែមទៀត ដែលធ្វើឲ្យចំនួនអ្នកមានផ្ទុកវីរុសកូវីដនៅកម្ពុជា កើនដល់ ៣៣ ករណី។
តាមការបញ្ជាក់របស់ក្រសួងសុខាភិបាល ៩ករណីថ្មីនេះ គឺ ៦ករណីជាបុរសជនជាតិខ្មែរឥស្លាមដែលវិលត្រឡប់មកពីចូលរួមពិធីសាសនានៅប្រទេសម៉ាឡេស៊ី និង ៣ករណី ជាបុរសជនជាតិម៉ាឡេស៊ី។
