(ភ្នំពេញ) – នាព្រឹកថ្ងៃទី៦ ខែមករា ឆ្នាំ២០២១ រដ្ឋបាលរាជធានីភ្នំពេញ បានបើកដាក់ឱ្យប្រើប្រាស់នូវមណ្ឌលចត្តាឡីស័ករាជធានីភំ្នពេញ ដែលសិ្ថតនៅក្នុងភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
មណ្ឌលចត្តាឡីស័ករាជធានីភ្នំពេញដែលបានសាងសង់រួចនេះ មានចំនួន៤អគារ និងមានបន្ទប់សរុបចំនួន ៥០៤ ត្រូវបានដាក់ឱ្យប្រើប្រាស់ដើម្បីអនុវត្តវិធានការចត្តាឡីស័កចំពោះអ្នកដំណើរដែលចូលមកព្រះរាជាណាចក្រកម្ពុជាតាមអាកាសយានដ្ឋានអន្តរជាតិភ្នំពេញ។
ដូច្នេះចាប់ពីពេលនេះតទៅ រាជធានីភ្នំពេញនឹងលែងប្រើប្រាស់សាលារៀន ឬសណ្ឋាគារ សម្រាប់ការធ្វើចត្តាឡីស័កទៀតហើយ៕