ភ្នំពេញ – តាមប្រកាសរបស់ក្រសួងសុខាភិបាលនៅព្រឹកថ្ងៃទី៩ ខែមករា ឆ្នាំ២០២១នេះ បានបញ្ជាក់ថា គេបានរកឃើញវិជ្ជមានវីរុសកូវីដ១៩ ចំនួន១ករណីថ្មី និងមានករណីជាសះស្បើយចំនួន៣នាក់។
ស្រ្តីម្នាក់កំពុងត្រូវក្រុមគ្រូពេទ្យវាស់កម្តៅ,
អ្នកឆ្លងថ្មីនេះ គឺជាបុរសជនជាតិខ្មែរ អាយុ ២៤ឆ្នាំ ស្នាក់នៅឃុំភ្នំតូច ស្រុកមង្គលបូរី ខេត្តបន្ទាយមានជ័យ បានធ្វើដំណើរមកពីប្រទេសថៃ និងមកដល់កម្ពុជានៅថ្ងៃទី៤ ខែមករា ឆ្នាំ២០២១។ បច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តបន្ទាយមានជ័យ។
ដោយឡែកនៅថ្ងៃនេះ ក៏មានករណីជាសះស្បើយដែរ គឺពលករមកពីថៃចំនួន២នាក់ និងអ្នកដំណើរកពីអាមេរិកម្នាក់៕
