អគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន នៅថ្ងៃទី១៨ ខែមីនា នេះ បានចេញសេចក្តីប្រកាសព័ត៌មាន ដោយបង្ហាញនូវគណនីហ្វេសប៊ុក ចំនួន២៥ និងទំព័រហ្វេសប៊ុកចំនួន ២២ ដែលផ្សព្វផ្សាយព័ត៌មានមិនពិតទាក់ទងទៅនឹងជំងឺកូវីដ១៩។
ជាមួយគ្នានេះ អគ្គនាយកដ្ឋានព័ត៌មាន និងសោតទស្សន៍ ក៏ធ្វើការអំពាវនាវដល់សាធារណជនទាំងអស់ គួរតាមដានព័ត៌មាននៅក្នុងគេហទំព័រ ឬទំព័រហ្វេសប៊ុកផ្លូវការរបស់ក្រសួងសុខាភិបាល ឬនាយកដ្ឋានប្រយុទ្ធប្រឆាំងនឹងជំងឺឆ្លង ដើម្បីស្វែងយល់ និងទទួលព័ត៌មានពិត៕