ព្រះសីហនុ – សណ្ឋាគារ ផាត ផៅវើ ដែលវិនិយោគដោយជនជាតិខ្មែរ ស្ថិតនៅសង្កាត់លេខ៤ ក្រុងព្រះសីហនុ បានបើកសម្ពោធដាក់ឲ្យដំណើរការជាផ្លូវការ កាលពីថ្ងៃទី១៨ ខែមករា ឆ្នាំ២០២១ សម្រាប់ទទួលភ្ញៀវទេសចរជាតិ និងអន្តរជាតិ ដែលមកលេងកម្សាន្តនៅក្នុងខេត្តព្រះសីហនុ។
លោក ហាង សុផាត និងអ្នកស្រី អ៊ុក មឿន ដែលជាអគ្គនាយកសណ្ឋាគារនេះ បានមានប្រសាសន៍ថា ទោះបីជាមានវិបត្តិសេដ្ឋកិច្ចជាសកលយ៉ាងណាក៏ដោយ ក៏លោកនិងអ្នកស្រីនៅតែបន្តបោះទុនវិនិយោគទៅលើសណ្ឋាគារមួយនេះឥតដកថយនោះទេ។
សូមបញ្ជាក់ថា សណ្ឋាគារ ផាត ផៅវើ មានកម្ពស់ ៧ជាន់ ដោយមានបន្ទប់សរុបចំនួន ៣៨ ព្រមទាំងបន្ទប់វីអាយភីចំនួន ៤បន្ទប់ ក្នុងនោះក៏មានអាងហែលទឹកផងដែរ។
តាមការបញ្ជាក់របស់លោក ហាង សុផាត ថា ការដែលលោកហ៊ានធ្វើការវិនិយោគក្នុងស្ថានភាពវិបត្តិសេដ្ឋកិច្ចព្រោះកូវីដ១៩នោះ ក៏ព្រោះលោកមានការជឿទុកចិត្តទៅលើរាជរដ្ឋាភិបាលកម្ពុជា ជាប្រមុខដឹកនាំធ្វើឲ្យប្រទេសជាតិមានការអភិវឌ្ឍរីកចម្រើនលើគ្រប់វិស័យ៕
