យោងតាមការប្រកាសរបស់ស្នងការនគរបាលរាជធានីភ្នំពេញបានឲ្យដឹងថា លោក ហាក់ លី ដែលជាមន្រ្តីប៉ូលិស ត្រូវបានកម្លាំងតម្រួតបទបញ្ជានៃស្នងការដ្ឋាននគរបាលរាជធានីភ្នំពេញធ្វើការឃាត់ខ្លួនហើយ ហើយពេលនេះ រង់ចាំការសម្រេចរបស់ព្រះអជ្ញារខេត្តព្រៃវែងជាមុនសិន។
ស្នងការនគរបាលរាជធានីភ្នំពេញបានបញ្ជាក់ថា លោក ហាក់ លី ពិតជាបានបង្កអំពេីហិង្សាទៅលេីនារីម្នាក់នៅហាងខារ៉ាអូខេនៅខេត្តព្រៃវែង កាលពីថ្ងៃទី១២ ខែកុម្ភ: ឆ្នាំ២០២១។
គួររំលឹកដែរថា ហេតុការណ៍នៃអំពើហិង្សានោះ គឺបានកើតឡើងនៅយប់ថ្ងៃទី១២ ខែកុម្ភៈ ឈានចូលថ្ងៃទី១៣ ខែកុម្ភៈ ក្រោយពីលោកប៉ូលិស ហាក់ លី ខឹងនឹងស្រីៗនៅក្នុងហាងយីហោជំនោរមករា ស្ថិតក្នុងស្រុកពារាំង ខេត្តព្រៃវែង មិនព្រមទៅដេកជាមួយខ្លួន ក៏បានប្រើហិង្សាវាយទៅលើម្ចាស់ហាង និងគំរាមបាញ់សម្លាប់ទៀត។
ក្រោយមក លោក ហាក់ លី ក៏បានដាក់ពាក្យម្ចាស់ហាងជំនោរមករា ថែមទៀត ពីបទ «បរិហារកេរ្តិ៍អោយមានការរើសអើង» តាមបណ្តាញសង្គម Facebook ដោយថា បានធ្វើឲ្យប៉ះពាល់កិត្តិយសរបស់លោក ៕
