កូនទាំង៤នាក់របស់លោក ឡៅ វណ្ណា ដែលបានទទួលមរណភាពដោយសារជំងឺកូវីដ១៩ កាលពីថ្ងៃទី១១ ខែមីនា ឆ្នាំ២០២១កន្លងទៅនេះ ឥឡូវត្រូវបានសាលាប៊ែលធីអន្តរជាតិផ្តល់អាហារូបករណ៍សិក្សាដោយគ្មានបង់ប្រាក់រយៈពេល១២ឆ្នាំទាំងកម្មវិធីភាសាខ្មែរ និងភាសាអង់គ្លេស។
លោក លី ឆេង តំណាងរាស្ត្រមណ្ឌល រាជធានីភ្នំពេញ និងដែលគេស្គាល់ថា គឺជាម្ចាស់សាលាប៊ែលធីបានថ្លែងថា កូនទាំង៤របស់លោក ឡៅ វណ្ណា មានឱកាសបានបន្តការសិក្សានៅសាលា ប៊ែលធី អន្តរជាតិ មួយចប់កម្មវិធីសិក្សាទាំង ថ្នាក់ចំណេះទូទៅ (ថ្នាក់ទី១ ដល់ទី១២) និងភាសាអង់គ្លេសទូទៅ (Preschool ដល់ Level 12) ក្នុងនោះ៖
*ទី១៖ ឈ្មោះ ឡៅ លីម៉េង ភេទប្រុស ត្រូវចូលរៀនថ្នាក់ចំណេះទូទៅ ទី១១ និងភាសាអង់គ្លេសទូទៅ Level 9
*ទី២៖ ឈ្មោះ ឡៅ លីជីន ភេទប្រុស ត្រូវចូលរៀនថ្នាក់ចំណេះទូទៅទី៦ និងភាសាអង់គ្លេសទូទៅ Preschool 1
*ទី៣៖ ឈ្មោះ ឡៅ សុម៉ាលីន ភេទស្រី ត្រូវចូលរៀនថ្នាក់ចំណេះទូទៅ ទី២ និងភាសាអង់គ្លេសទូទៅ Preschool 1
*ទី៤៖ ឈ្មោះ ឡៅ លីហេង ភេទប្រុស ត្រូវចូលរៀនថ្នាក់ចំណេះទូទៅ ទី១ និងភាសាអង់គ្លេសទូទៅ Preschool 1។
ដោយឡែកចំពោះអាហារូបករណ៍ពិសេសនេះរួមមាន៖
*ទី១៖ អាហារូបករណ៍ ១០០% សិក្សាមួយចប់កម្មវិធីទាំងថ្នាក់ចំណេះទូទៅ និងភាសាអង់គ្លេសទូទៅ
*ទី២៖ ឯកសណ្ឋានម្នាក់ ២កំប្លេ ជារៀងរាល់ឆ្នាំ និង
*ទី៣៖ សៀវភៅពុម្ភសិក្សាទាំងថ្នាក់ចំណេះទូទៅ និងភាសាអង់គ្លេសទូទៅ ១ឈុត ជារៀងរាល់ឆ្នាំ និងវគ្គ៕