តាមសេចក្តីប្រកាសព័ត៌មានរបស់ក្រសួងសុខាភិបាលកម្ពុជាចេញផ្សាយនៅព្រឹកថ្ងៃទី២៨ ខែមីនា ឆ្នាំ២០២១នេះបញ្ជាក់ថា កម្ពុជាបានរកឃើញមនុស្សចំនួន ៨៦នាក់ថែមទៀត ឆ្លងវីរុសកូវីដ១៩ ខណៈដែល ៣៤នាក់ជាសះស្បើយ។
ក្នុងចំណោមអ្នកឆ្លងថ្មីទាំង៨៦នាក់នោះ នៅខេត្តព្រះសីហនុ៤៣ រាជធានីភ្នំពេញ២៥នាក់ ខេត្តត្បូងឃ្មុំ៣នាក់ ខេត្តស្វាយរៀង៣នាក់ ខេត្តក្រចេះ៣នាក់ ខេត្តព្រៃវែង២នាក់ ខេត្តកំពង់ចាម២នាក់ ខេត្តកណ្តាល២នាក់ ខេត្តសៀមរាប២នាក់ និង ខេត្តកែបម្នាក់។
គិតត្រឹមថ្ងៃទី២៨ ខែមីនានេះ កម្ពុជានៅសល់អ្នកជំងឺកូវីដ-១៩ ១០៥៤ កំពុងសម្រាកព្យាបាល ខណៈ អ្នកជំងឺកូវីដ-១៩ ១១៦៦ បានជាសះស្បើយ និងមនុស្សចំនួន ១០នាក់បានស្លាប់៕