សម្តេច ទៀ បាញ់ រដ្ឋមន្រ្តីក្រសួងការពារជាតិនៅថ្ងៃនេះ បានធ្វើការអំពាវនាវដល់បងប្អូនប្រជាពលរដ្ឋទាំងអស់ ដែលរស់នៅក្នុងតំបន់ក្រហម នៃខណ្ឌចំនួន៤ រួមមាន ខណ្ឌដង្កោ ខណ្ឌមានជ័យ ខណ្ឌពោធិ៍សែនជ័យ និងខណ្ឌកំបូល សូមមកទទួលការចាក់វ៉ាក់សាំងការពារជំងឺកូវីដ-១៩ ទៅតាមកាលកំណត់របស់អាជ្ញាធរ ដើម្បីចៀសវាងនូវភាពកកកុញ និងអនុវត្តឱ្យបានម៉ឺងម៉ាត់បំផុតនូវវិធានការ “៣ការពារ ៣កុំ”។
ការអំពាវនាវរបស់សម្តេច ទៀ បាញ់ នេះ ត្រូវគេមើលឃើញថា នារយៈពេលប៉ុន្មានថ្ងៃមកនេះ មានប្រជាពលរដ្ឋរស់នៅតំបន់ក្រហម បាននាំគ្នាទៅចាក់វ៉ាក់សាំងកូវីដ១៩យ៉ាងកកកុញ ដែលនាំឲ្យមានការបារម្ភពីការឆ្លងវីរុសកូវីដ១៩បន្ថែមទៀត៕
