រដ្ឋបាលខេត្តតាកែវបានបញ្ជាក់ថា កាលពីថ្ងៃទី៤ ខែឧសភា មានបុរសម្នាក់អាយុ ៤៥ឆ្នាំ មានអាសយដ្ឋាននៅភូមិដំណាក់ត្រយឹង ឃុំជំរះពេន ស្រុកសំរោង បានស្លាប់ដោយសារជំងឺកូវីដ១៩ ក្រោយពីគាត់បានចូលមកសម្រាកនៅមន្ទីរពេទ្យបង្អែកខេត្តតាកែវ ដោយមានអាការៈចុកណែនក្នុងទ្រូង និងទល់នោម។
បុរសម្នាក់នេះ មានមុខរបរជិះម៉ូតូលក់ម្ហូបតាមភូមិនានា និងមានជំងឺទឹកនោមផ្អែម លើសឈាមរ៉ាំរ៉ៃជាង១០ឆ្នាំ និងរលាកស្រោមពោះ ដោយធ្លាយក្រពះ។
៣ថ្ងៃមុនមកដល់មន្ទីរពេទ្យ គាត់បានទៅពិគ្រោះជំងឺនៅគ្លីនិកឯកជន តឹក ប៊ុនហូញ ថ្នល់បត់ ខេត្តតាកែវ ដោយបញ្ហាទល់នោម៕