ប្រទេសហ្វីលីពីនបានឲ្យដឹងថា វេជ្ជបណ្ឌិតរបស់ខ្លួនសរុបចំនួន៩នាក់ហើយត្រូវបាន COVID-19 ឆក់យកអាយុជីវិត ខណៈដែលក្រុមគ្រូពេទ្យពុំទទួលបានសម្ភារៈសម្រាប់ការពារខ្លួនគ្រប់គ្រាន់។ នេះបើតាមការចេញផ្សាយដោយសារព័ត៌មាន Channel News Asia។
វេជ្ជបណ្ឌិតហ្វីលីពីន៩នាក់បានបាត់បង់ជីវិតដោយសារតែជំងឺ COVID-19 ខណៈដែលមន្ទីរពេទ្យមួយចំនួនកំពុងតែរងសម្ពាធដោយសារការកើនឡើងនៃចំនួនអ្នកជំងឺ ប៉ុន្តែខ្វះខាតបរិក្ខាការពារវេជ្ជសាស្ត្រ ក្នុងការប្រយុទ្ធប្រឆាំងនឹងជំងឺរាតត្បាតសកលនេះ។
ដោយឡែកមន្ទីរពេទ្យធំៗចំនួន៣ នៅរដ្ឋធានីម៉ានីល បានប្រកាសថា នឹងមិនទទួលយកករណី COVID-19 ថ្មីទៀតនោះទេ ព្រោះគ្មានកន្លែងសេសសល់នោះឡើយ។
សូមបញ្ចាក់ថា មកទល់នឹងពេលនេះប្រទេសហ្វីលីពីនមានករណីឆ្លងជំងឺ COVID-19 សរុបចំនួន ៧០៧នាក់ ក្នុងនោះស្លាប់ ៤៥នាក់ និង អ្នកជាសះស្បើយ ២៨នាក់៕
