(កំពត) – រដ្ឋបាលខេត្តកំពតកាលពីថ្ងៃម្សិលមិញនេះ បានសម្រេចបិទអាជីវកម្មកាស៊ីណូទាំងអស់នៅច្រកទ្វារព្រំដែនអន្តរជាតិព្រែកចាក និងច្រកទ្វារទ្វេភាគីតន់ហន់ ព្រមទាំងផ្សារព្រែកក្រឹស ក្នុងស្រុកកំពង់ត្រាច ខេត្តកំពត រយៈពេល១៤ថ្ងៃ គិតចាប់ថ្ងៃទី៣០ ខែឧសភា ឆ្នាំ២០២១ តទៅ ក្រោយពីរកឃើញករណីឆ្លងវីរុសកូវីដ១៩នៅទីនោះ។
យោងតាមរបាយការណ៍ស្តីពីចំនួនអ្នកឆ្លងជំងឺកូវីដ១៩ កាលពីថ្ងៃទី៣០ ខែឧសភា ឆ្នាំ២០២១បានបង្ហាញថា ខេត្តកំពតបានរកឃើញករណីឆ្លងវីរុសកូវីដ១៩ចំនួន៥៦នាក់ ដែលសុទ្ធសឹងជាបុគ្គលិកកាស៊ីណូ «សុខ គឹមម៉េង» ស្ថិតនៅច្រកទ្វារទ្វេភាគីតន់ហន់ ក្នុងភូមិព្រែកក្រឹស ឃុំព្រែកក្រឹស ស្រុកកំពង់ត្រាច ខេត្តកំពត៕