(ភ្នំពេញ)៖ បើតាមការបញ្ជាក់របស់លោក ស៊ុយ សែម រដ្ឋមន្រ្តីក្រសួងរ៉ែ និងថាមពល នៅក្នុងកិច្ចប្រជុំវិសាមញ្ញរដ្ឋសភាក្នុងសប្តាហ៍នេះបានបញ្ជាក់ថា នៅរដូវប្រាំងឆ្នាំ ២០២០ នេះ នឹងលែងមានការខ្វះខាតអគ្គិសនីទៀតហេីយ។
មន្រ្តីអគ្គិសនីកម្ពុជាកំពុងតែធ្វើការតភ្ជាប់បណ្តាញមួយក្នុងរាជធានីភ្នំពេញ
តាមការលើកឡើងរបស់លោក ស៊ុយ សែម ថា ការលែងខ្វះខាតនេះ គឺដោយសារតែមានការផ្គត់ផ្គង់អគ្គិសនីក្របខណ្ឌទូទាំងប្រទេស ដើម្បីបម្រើសេចក្តីត្រូវការរបស់ប្រជាពលរដ្ឋ ក៏ដូចជាអ្នកវិនិយោគ។
ជាមួយគ្នានេះ ក្រសួងរ៉ែ និង ថាមពល ក៏បានបញ្ជាក់ដែរថា ត្រឹមឆ្នាំ២០២០នេះ គ្រប់ភូមិទាំងអស់នឹងមានអគ្គិសនីប្រើប្រាស់ពីប្រភពអគ្គិសនីផ្សេងៗ ហើយដល់ឆ្នាំ២០៣០ យ៉ាងហោចណាស់ ៩០%នៃគ្រួសារទាំងអស់នៅទូទាំងប្រទេសគឺមានអគ្គិសនីមានគុណភាពដូចអគ្គិសនី ពីខ្សែរបណ្តញជាតិប្រើប្រាស់៕
