(បាត់ដំបង) – ដោយមានភាពចាំបាច់ ដើម្បីប្រយុទ្ធប្រឆាំងនឹងការឆ្លងរាលដាលជំងឺកូវីដ១៩ រដ្ឋបាលខេត្តបាត់ដំបងកាលពីថ្ងៃម្សិលមិញនេះ បានសម្រេចធ្វើការបិទខ្ទប់ជាបណ្តោះអាសន្នចំពោះទីតាំងចំនួន ១៧កន្លែង នៅក្នុងភូមិសាស្រ្តស្រុកកំរៀង ចាប់ពីថ្ងៃទី២ ខែមិថុនា ឆ្នាំ២០២១ រហូតដល់មានការសម្រេចជាថ្មី។
អំឡុងពេលបិទខ្ទប់នេះ ទីតាំង១៧កន្លែងនោះ នឹងត្រូវអាជ្ញាធរហ៊ុំព័ទ្ធផ្អាកការចេញចូល ហើយអ្នករស់នៅទីតាំងបិទខ្ទប់ទាំង១៧កន្លែងនេះដែលមានការប៉ះពាល់ផ្ទាល់ ឬប្រយោលជាមួយអ្នកមានវិជ្ជមានជំងឺកូវីដ១៩ ត្រូវធ្វើចត្តាឡីស័ក និងយកសំណាក។
