តាមសេចក្តីប្រកាសព័ត៌មានរបស់ក្រសួងសុខាភិបាល កាលពីល្ងាចថ្ងៃម្សិលមិញបានបញ្ជាក់ថា ករណីពុលស្រានៅស្រុកក្រគរ ខេត្តពោធិ៍សាត់ ផ្តើមកាលពីថ្ងៃទី២៨ ខែឧសភា ដែលធ្វើឲ្យមនុស្សចំនួន៧នាក់ស្លាប់ និង៩៦នាក់ត្រូវបញ្ជូនទៅមន្ទីរពេទ្យនោះ គឺស្រាមានជាតិមេតាណុលខ្ពស់។
តាមការបញ្ជាក់របស់ក្រសួងសុខាភិបាល ដោយយោងទៅលើការពិសោធន៍សំណាកស្រាថ្នាំ និងស្រាស ចំនួន៤សំណាក បានរកឃើញសារធាតុមេតាណុល (Metfraro) លើសកម្រិតខ្ពស់ពី ៩,៥ដល់១៥ភាគរយ ដែលវាជាហេតុធ្វើឱ្យពុល ខណៈកម្រិតមិនពុលនោះ គឺមិនត្រូវលើសពី ០,១% ឡើយ។
