(ភ្នំពេញ) – រដ្ឋបាលរាជធានីភ្នំពេញនៅថ្ងៃត្រង់នេះ បានធ្វើការសម្រេចតំបន់ខ្លះ នៃភូមិចោមចៅ៣ នៃសង្កាត់ចោមចៅទី២ និង ផ្នែកខ្លះនៃភូមិត្រពាំងពោធិ៍ ផ្នែកខ្លះនៃភូមិព្រៃព្រីងខាងជើង២ និង ផ្នែកខ្លះនៃភូមិជម្ពូវ័ន២ នៃសង្កាត់ចោមចៅទី៣ ខណ្ឌពោធិ៍សែនជ័យ ជា “តំបន់លឿងទុំ” សម្រាប់រយៈពេល ១៤ថ្ងៃ គិតចាប់ពីម៉ោងសូន្យ នាថ្ងៃទី១០ ខែមិថុនា រហូតដល់ថ្ងៃទី២៣ ខែមិថុនា ឆ្នាំ២០២១។
ការកំណត់នេះ ត្រូវបានរដ្ឋបាលរាជធានីភ្នំពេញបញ្ជាក់ថា គឺដើម្បីទប់ស្កាត់ការឆ្លងរាលដាលនៃជំងឺកូវីដ-១៩។
តាមប្រការ២ នៃសេចក្តីសម្រេចនោះ ភូមិសាស្រ្តទាំងនេះ ពលរដ្ឋត្រូវបានហាមឃាត់មិនឲ្យធ្វើដំណើរចេញពីលំនៅដ្ឋាន ឬទីសំណាករបស់ខ្លួនឡើយ លើកលែងតែក្នុងករណីចាំបាច់មួយចំនួនប៉ុណ្ណោះ។
សូមអានសេចក្តីសម្រេច៖
