ខ្សែភាពយន្តដែលមានចំណងជើងថា ONADA និយាយពីទាហានជប៉ុនដែលគេចចូលព្រៃតស៊ូអស់ ៣០ ឆ្នាំ ដោយមិនទាំងដឹងថាសង្គ្រាមលោកលើកទី២ បានចប់ហើយនោះ មានទីតាំងជាច្រើនត្រូវបានគេថតនៅខេត្តកំពត របស់ប្រទេសកម្ពុជា ហើយខ្សែភាពយន្តមួយនេះ ក៏នឹងដាក់ចូលមហោស្រពទីក្រុង Cannes នៅពេលខាងមុខនេះផងដែរ។
បើតាមការបង្ហោះនៅលើបណ្តាញសង្គមកាលពីព្រឹកមិញនេះ លោក ខៀវ កាញារីទ្ធ រដ្ឋមន្រ្តីក្រសួងព័ត៌មានបានបញ្ជាក់ថា ខ្សែភាពយន្តនេះ គឺផលិតដោយកូនខ្មែរឈ្មោះ David Chou ជាចៅរបស់ផលិតករ វ៉ាន់ចាន់ ភាពយន្ត។
លោក David Chou ធ្លាប់បានទទួលកិត្តយសធំធេងនៅពេលលោកថតរឿង «កោះពេជ្រ» ហើយការថតរឿង ONADA នេះ គឺជាកិត្តិយសមួយទៀតរបស់ខ្មែរ និង របស់ខេត្តកំពត ព្រមទាំងរបស់កម្ពុជាទាំងមូលផងដែរ៕
ទស្សនា Trailer នៃរឿង “ONADA” ខាងក្រោម៖
