នៅព្រឹកថ្ងៃទី១៥ ខែមិថុនា ឆ្នាំ២០២១នេះ លោកឧត្តមសេនីយ៌ទោ ខេង រ៉ា មេបញ្ជាការរងនគរបាលជាតិប្រចាំទិសភូមិភាគទី៤ តំណាងឲ្យលោកនាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ និងជាមេបញ្ជាការនគរបាលជាតិប្រចាំទិសភូមិភាគទី៤ និងទី៥ បាននាំយកអំណោយមកទៅចែកជូនជនរងគ្រោះពីរនាក់ប្តីប្រពន្ធដែលត្រូវភ្លើងឆេះផ្ទះកាលពីថ្ងៃទី១៤ ខែមិថុនា ឆ្នាំ២០២១ ដោយសារកូនអាយុ៤ឆ្នាំយកដែកកេះដុត ពេលឪពុកម្តាយទៅច្រូតស្មៅគោ។
ជនរងគ្រោះប្ដីមានឈ្មោះ ហិវ ហៀប អាយុ២៦ មុខរបរ កសិករ ប្រពន្ធឈ្មោះ បុិនហ៊ាន់ អាយុ ២៥ ឆ្នាំមុខរបរកសិករនិង មានកូន២នាក់ គឺទី១ ឈ្មោះ ហៀប រ៉ាវីន ភេទស្រី អាយុ៥ឆ្នាំនិងកូនទី២ឈ្មោះ ហៀប ជីហ៊ុន ភេទអាយុ៤ ឆ្នាំ។
អំណោយដែលត្រូវចែកជូននោះ រួមមាន៖ អង្ករ៥០គីឡូក្រាម, តង់ធំ១ , មី១កេះ, ទឹកត្រី១យួរ ,ទឹកស៊ីអីវ១យួរ , ត្រខ១យួរ , ត្រីប្រឡាក់ស្រស់១គីឡូក្រាម , ប្រហុក១គីឡូក្រាម និងថវិកាមួយចំនួន។
ក្នុងឱកាសនោះ លោកឧត្តមសេនីយ៌ទោ ខេង រ៉ា បានផ្តាំផ្ញើឲ្យមានការប្រុងប្រយ័ត្នចេះការពារ បីកុំ បីការពារ ត្រូវពាក់ម៉ាស់លាងដៃនឹងអាកុល ដើម្បីការពារនឹងទបស្កាត់កុំអោយមានការិករាយដាលជំងឺកូវិដ ១៩៕
អត្ថបទ៖ តាំង ហូ