(សៀមរាប) – កាលពីថ្ងៃទី ២២ ខែ មិថុនា ឆ្នាំ២០២១ ក្រោមការណែនាំរបស់ លោក ហ៊ុន ប៉ូគា ប្រធានសមាគមចលនាយុវជនកម្ពុជា (ក្រុម១៥៧) សាខាខេត្តសៀមរាប លោក ស វណ្ណារ័តន៍ អនុប្រធានសមាគមចលនាយុវជនកម្ពុជា (ក្រុម១៥៧) ស្រុកសូទ្រនិគម សាខាខេត្តសៀមរាប តំណាងលោក ជា ម៉េងហុង ប្រធានចលនាយុវជនកម្ពុជា (ក្រុម១៥៧) ស្រុកសូទ្រនិគមសាខាខេត្តសៀមរាប បានដឹកនាំសមាជិក សមាជិកា ព្រមទាំងមានការអញ្ជើញចូលរួមអំពីលោក ម៉ក់ ប្រុស អភិបាលនៃគណៈអភិបាលស្រុកសូទ្រនិគម នាំយកអំណោយ ចែកជូនដល់កងរាជអាវុធហត្ថស្រុក និងកងកម្លាំងស្នងការនគរបាលខេត្តប្រចាំការនៅវិទ្យាល័យដំដែ។
អំណោយដែលទទួលបាននោះ កងរាជអាវុធហត្ថស្រុក ទទួលបានម៉ាស់ ២៥ប្រអប់, ទឹកសុទ្ធ ៣កេស , កូកា ២កេស និង អាល់កុល ៣០លីត្រ។
កងកម្លាំងប្រចាំការនៅមណ្ឌល ព្យាបាលជំងឺ វិទ្យាល័យដំដែក ទទួលបាន ម៉ាស់ ២៥ប្រអប់, ទឹកសុទ្ធ ៣កេស, កូកា ២កេស និងអាល់កុល ៣០លីត្រ។
ក្នុងនោះផងដែរ លោក ស វណ្ណារ័តន៍ បានមានមតិផ្ដាំផ្ញើដល់ប្រជាពលរដ្ឋ ដែលកំពុងសម្រាកព្យាបាល សូមមេត្តាចូលរួមអនុវត្តន៍នូវវិធានការ របស់រាជរដ្ឋាភិបាល (៣ការពារ ៣កុំ) ដេីម្បីជៀសផុតពីជំងឺcovid19 ដ៏កាចសាហាវមួយនេះ ទោះបីជាសះស្បើយហើយក៏ដោយ៕