កណ្ដាល ៖ ហេតុការណ៍ដ៍គួរឲ្យភ្ញាក់ផ្អើល បានផ្ទុះឡើងកាលពីម៉ោងប្រមាណជាង៥ព្រឹកថ្ងៃទី០៥ កក្កដា នេះ ខណៈដែលគេឃើញស្រ្តីម្នាក់បានស្លាប់ស្ដូកស្ដឹងក្នុងថ្លុកឈាម រីឯប្ដីរងរបួសធ្ងន់ដោយគ្រាប់កាំភ្លើងនៅក្នុងរោងចិញ្ចឹមទាមួយកន្លែងដែលមានទីតាំងនៅចំណុចព្រែកដូនឯម ភូមិថ្មី ឃុំសន្លុង ស្រុកខ្សាច់កណ្ដាល ខេត្តកណ្ដាល ។
នគរបាលមូលដ្ឋានបានឲ្យដឹងថា ស្រ្តីដែលស្លាប់នោះឈ្មោះ សុន ស្រឿន អាយុ៤៩ឆ្នាំ និងប្ដីឈ្មោះ យឹម គឹមហុក អាយុ៤៥ឆ្នាំ របួសធ្ងន់ ។ បច្ចុប្បន្នសមត្ថកិច្ចខេត្តកណ្ដាលកំពុងបើកការស្រាវជ្រាវ ដើម្បីកំណត់មុខសញ្ញា នឹងឈានទៅដល់ការនាំខ្លួនឃាតក មកកាត់ទោសតាមច្បាប់ ៕
