បាងកក ៖ លោក ប្រាយុទ្ធ ចាន់អូចា នាយករដ្ឋមន្រ្តីថៃ កាលពីថ្ងៃត្រង់ ថ្ងៃចន្ទ ៥កក្កដា ម្សិលមិញ បានសម្រេចធ្វើចត្តាឡីស័ក បន្ទាប់ពីជួបអ្នកជំនួញ ដែលវិជ្ជមានកូវីដ-១៩ ។ នេះបើតាមការផ្សាយរបស់cna នាព្រឹកថ្ងៃទី៦ កក្កដា នេះ ។
យោងតាមប្រព័ន្ធផ្សព្វផ្សាយក្នុងស្រុកងថា លោកនាយករដ្ឋមន្រ្តីបានជួបជាមួយលោក Veerasak Pisanuwong ប្រធានសភាពាណិជ្ជកម្មដែលមានវិជ្ជមានកូវីដ-១៩ ពេលកំពុងបំពេញទស្សនកិច្ចនៅកោះភូកេតកាលពីសប្តាហ៍មុន ។
យ៉ាងណាក៍ដោយលោក Anucha Burapachaisri អ្នកនាំពាក្យរដ្ឋាភិបាលថៃ បានប្រាប់ក្រុមអ្នកកាសែតកាលពីថ្ងៃចន្ទថា លោកប្រាយុទ្ធ នឹងធ្វើការពីផ្ទះ , ហើយការធ្វើដូច្នេះដើម្បីធ្វើឱ្យសាធារណជនមានជំនឿចិត្ត ៕