ភ្នំពេញ — របាយការណ៍របស់ក្រុមប្រឹក្សាអភិវឌ្ឍន៍កម្ពុជា (CDC) បានឲ្យដឹងថា គិតត្រឹមឆមាសទី១ ឆ្នាំ២០២១ កម្ពុជាបានអនុម័តគម្រោងវិនិយោគថ្មីៗ និងគម្រោងពង្រីកផលិតកម្ម ចំនួន ៨៧គម្រោង ដែលមានទុនវិនិយោគ សរុបចំនួន ២.៩៦៩លានដុល្លារអាមេរិក និងអាចបង្កើតការងារបានចំនួន ៥០.០២៩កន្លែង។
ក្រុមប្រឹក្សាអភិវឌ្ឍន៍កម្ពុជា
តួលេខនេះបើធៀបនឹងរយៈពេលដូចគ្នា នៅឆ្នាំ២០២០ ចំនួនគម្រោងវិនិយោគ មានការថយចុះចំនួន ៦៣គម្រោង ខណៈទុនវិនិយោគ មានការកើនឡើងចំនួនប្រមាណ ៣១៥លានដុល្លារអាមេរិក។
បើតាមរបាយការណ៍នោះថា នៅឆមាសទី១ ឆ្នាំ២០២១នេះ ប្រទេសចិនជាប្រទេសដែលឈរនៅលំដាប់លេខរៀងទី១ ដែលបានមកវិនិយោគមកកាន់ប្រទេសកម្ពុជាច្រើនជាងគេ គឺ៦៩ភាគរយ គិតជាទឹកប្រាក់ប្រមាណ ២ពាន់លានដុល្លារ ខណៈវិនិយោគក្នុងស្រុក ឈរនៅលំដាប់លេខរៀងទី២៕
