កន្លងមកនៅលើពិភពលោក ប្រទេសអាមេរិក និងឥណ្ឌា គឺជាប្រទេសដែលមានករណីឆ្លងកូវិដ១៩ និងស្លាប់ដោយសារជំងឺនេះច្រើនជាងគេ ប៉ុន្តែនៅពេលនេះ តំណែងនោះបានធ្លាក់មកលើតំបន់អាស៊ានវិញម្តង គឺប្រទេសឥណ្ឌូនេស៊ី បានក្លាយជាប្រទេសដែលមានករណីស្លាប់ច្រើនជាងគេបង្អស់នៅលើពិភពលោក។
ក្នុងរយៈពេល២៤ម៉ោងកន្លងមក ពិភពលោកមានករណីឆ្លងកូវីដ១៩ សរុប ជាង ៣៦២ពាន់នាក់ និងស្លាប់ជាង ៦ពាន់នាក់ ។ ក្នុងនោះមានប្រទេស៣មានករណីឆ្លងច្រើនជាងគេក្នុងរយៈពេល២៤ម៉ោង គឺ ឥណ្ឌា មានករណីឆ្លង ៣៧.៦៧៦នាក់ បន្ទាប់មកឥណ្ឌូនេស៊ីមានករណីឆ្លង៣៦.១៧៩នាក់ និងទី៣ គឺ អង់គ្លេស មានករណីឆ្លង ៣១.៧៧២នាក់។
តែសម្រាប់ប្រទេសដែលមានករណីស្លាប់ដោយកូវីដ១៩ ច្រើនបំផុតក្នុងរយៈពេល ២៤ម៉ោងវិញ គឺ ឥណ្ឌូនេស៊ី មានអ្នកស្លាប់ ១០០៧នាក់ ទី២គឺរុស្ស៊ីមានអ្នកស្លាប់៧៤៩នាក់ និងទី៣គឺឥណ្ឌាមានអ្នកស្លាប់ ៧២០នាក់។
តាំងពីការផ្ទុះកូវីដ ១៩ រហូតមកទល់ពេលនេះ ឥណ្ឌូនេស៊ីមានករណីឆ្លងកូវីដ ១៩ សរុបជាង ២,៥លាននាក់ និងស្លាប់ ៦៦.៤៦៤នាក់។
ក្រៅពីឥណ្ឌូនេសី នៅមានប្រទេសតំបន់អាស៊ានជាច្រើនទៀតមានករណីឆ្លងកូវីដ ១៩ កើនឡើងខ្ពស់ ក្នុងនោះមានវៀតណាម ថៃ ម៉ាឡេស៊ី …៕