លោក ហេង រតនា អគ្គនាយកស៊ីម៉ាក់នៅថ្ងៃនេះ បានបង្ហោះសារ ដោយបានលើកយកករណីម្ចាស់ចំការប្រមូលគ្រាប់មីន និងគ្រាប់មិនទាន់ផ្ទុះដោយខ្លួនឯង ព្រោះតែរង់ចាំស៊ីម៉ាក់ទៅដោះយូរពេក ដែលនេះគឺជាហានិភ័យ និងគ្រោះថ្នាក់បំផុត។
« ម្ចាស់ដីចំការ៖ ទុកគ្រាប់ទាំងនេះជូនពូៗសុីម៉ាក់! រុករានដីធ្វេីចំការបណ្តេីរៗប្រមូលបណ្តេីរបានគ្រាប់មីននិងគ្រាប់មិនទាន់ផ្ទុះតែប៉ុណ្តឹង! ចាំពូៗសុីម៉ាក់ដោះមីនមិនដឹងថ្ងៃណាបានមក! ? ហាមមិនឱ្យរុករានដីសង្ស័យមានគ្រាប់មីនដាំដុះម៉េច! បានស្អីសុី! ? (ពូសុីម៉ាក់ត្រូវមាត់ទាំងព្រឹកហ្នង) »
តាមលោក ហេង រតនា ថា ការងារបោសសំអាតមីននេះ គឺធ្វេីតាមផែនការនិងអាទិភាពកំណត់ ដូច្នេះសូមចៀងវាងរុករានដីមានមីនខ្លាចគ្រោះថ្នាក់ ហើយបេីឃេីញគ្រាប់មីនរាយការណ៍ភ្លាមទៅនគរបាលប៉ុស្តិ៍ ឬកំលាំងសុីម៉ាក់៕
